إسراء عبدالفتاح ترد على منتقدي صورها في عقد القران

كتب- عبدالله الصاوي:

ردت الفنانة إسراء عبدالفتاح على كل من انتقد صورها في حفل عقد قرانها، على الفنان حمدي الميرغني، إذ وصفها البعض بأنها ظهرت في بعض الصور غير سعيدة وعلامات الضيق تظهر على وجهها.

ونشرت إسراء صورة من عقد القران، وهي تقوم بالتوقيع على العقد، وعلقت عليها: "أهم ورقة مضيتها في حياتي..عمري ما حبيت غيرك.. أحلى وأهم يوم في حياتي يوم ما بقيت مراتك.. أهم و أحلى وأغلى لقب في حياتي.. مدام حمدي الميرغني".

وتابعت إسراء: "لكل الناس اللي بتقول إني كنت متضايقة ومكنتش مبسوطة، أقسم بالله أنا عمري ماكنت مبسوطة ولا فرحانة ولا بضحك من قلبي غير في يوم كتب كتابي.. لكل الناس اللي أنا مش فاهمة هما متضايقين ليه، ربنا يرزقكوا بحد يعملكوا أضعاف اللي اتعملي، ويفرحكوا أضعاف فرحتي".

واستكملت إسراء: "والناس اللي بتقول أني كنت مجبرة علي الجواز، ده الراجل اللي اخترته بكامل إرادتي اللي قلبي وعيني مبيشوفوش حد غيره.. ربنا يخليك ليا يا حمدي ويبعد عننا الناس اللي مش فرحانة بفرحتنا".

يُذكر أن عقد القران شهد حضور مجموعة كبيرة من نجوم مسرح مصر، وعلى رأسهم الفنان أشرف عبدالباقي مؤسس الفرقة.