لقاء الخميسي: "مي كانت تعارض دخولي الفن"

القاهرة (مصراوي)

قالت الفنانة لقاء الخميسي إن والدتها كانت تعارض دخولها المجال الفني، لكنها أصحبت تختار لها أعمالها في بعض الأحيان.

وأضافت في مداخلة هاتفية لبرنامج "إتفقنا" على "نجوم إف إم"، مساء الخميس، "أخدت وقت كتير لحد ما أقنعتها بدخولي المهنة، وأنا لولا أمي وأبويا مكنتش هبقى بني آدمة".

وتابعت الخميسي "أنا أمي بتختار لي في بعض الأحيان أعمالي، وبتقرأ كل المعروض عليه، وبتناقشني في اختياراتي، وهي دائما دلوقتي حائط السد وبتدافع عن ولادي لما بكون عصبية عليهم".

وأردفت الخميسي "أنا أكثر حاجة واخدها من أمي هي الحزم مع أولادي، وأنا بجد عمري ما كنت هبقى حاجة لولا وقوف أمي وأبويا الله يرحمه جنبي".