منتج "هيبتا" يفتح النار على "دير جيست"

القاهرة- مصراوي:

عبر المنتج هاني أسامة، منتج فيلم "هيبتا.. المحاضرة الأخيرة"، عن غضبه الشديد من المسئولين عن مؤسسة "دير جيست"، التي أقامت حفلها السنوي مساء أمس الجمعة.

وكتب هاني عبر صفحته على "فيسبوك"، "استغربت اني مالقيتش اسم واحد زي محمد حفظي .. مع كامل احترامي لوليد منصور.. بس ماينفعش تدي جايزة لحد كل حصيلة إنتاجه لحد انهارده هو فيلم واحد وتسيب حد أنتج فوق ال ٢٥ فيلم وتقول دي جايزة جمهور!".

وأشار هاني لحصول فيلم "هيبتا.. المحاضرة الأخيرة" على جائزة أفضل فيلم مناصفة مع فيلم "من 30 سنة"، موضحا "مع العلم ان فيلم من ٣٠ سنة من إنتاج الأستاذ وليد منصور .. المعلومة المهمة بقي ان منظم جميع حفلات مؤسسة دير جيست، هو منظم الحفلات والمنتج الأستاذ وليد منصور!.. عيب جدا إنكم تنسبوا مجاملاتكم للجمهور".

وأضاف "بالنسبة لفيلم هيبتا ف جميع صناع وممثلين فيلم هيبتا اخدوا تقديرهم وجوايزهم من الجمهور من زمان، ومش محتاجين جايزة مؤسستكم المحترمة".