كبسولة رمضانية عن: شحن البطارية

سمعت قبل كده الإيمان عامل زى البطارية، كل شوية محتاجة شحن.

رمضان هو اللى بيشحن البطارية، ما حستش المعنى ده قوى الا لما جه رمضان و قررت انى مش هتفرج على التلفزيون.

لقيت يومى متقسم على أعمال خير كلها، أعمال بتعين الواحد على القرب من ربنا، أحيانا بحس انه كفاية تشوف الناس اللى بيحاولوا يقربوا من ربنا، ده لوحده بيقوى الايمان.... حسيت معنى الايه اللى بتقول "واصبر نفسك من الذين يدعون ربهم بالغداة و العشى يريدون وجهه"...اللهم أجعلنا منهم.