"فاكرنا بتوع بليلة" نعوم تهاجم منتج "مليون وداع" بسبب حذف أغنيتها

كتب- مصطفى حمزة:

شنت المطربة نعوم، هجوما ضد منتجا رفضت ذكر إسمه، عقب حذف أغنيتها "مليون وداع" من موقع يوتيوب، بعد عام من طرحها.

نعوم، عبر صفحتها في موقع فيسبوك، تحت عنوان "مليون وداع"، كتبت: "يا جماعة كلكم أو معظم الناس اللي عندي سواء بيحبوني ك فنانة أو أصحابي الفنانين، عارفين اني عمري ما كنت قليلة الأدب، بس للأسف فيه شوية عيال زبالة كدة ملهاش لازمة، تضطرك تقل أدبك عشان بيفتكروك عويل فيهم مثلا".

وتابعت: "فا لما حتة عيل ملوش لازمة يمسح غنوة متعوب عليها، ومصروف عليها فلوس وسهر استوديوهات، وغنوة الحمد لله اتسمعت للناس، وحققت وقت نزولها مشاهدات، تقوم انت يا عرة الشغلانة تمسحها من علي القناة، عشان تبيع قناة اليوتيوب لحد تاني، فاكرنا بتوع بليلة ومش هناخد بالنا، بس وحياة شقى الناس وتعبها لـ أدفعك ثمن الحركة غالي أوي، ومش هكتب اسمك عشان انت عالة ع الشغلانة ومحدش بقي يعبرك".

نعوم أضافت: "الأغنية اللي اتمسحت يا جماعة هي مليون وداع، وللأسف لما أنزلها هتبقي زيرو مشاهدات، بس عادي هنزلها تانى وأنت هتزعل أوي، وحقي هاخده في علبة هدايا كمان بشياكة أوي".

أغنية "مليون وداع"، طرحتها المطربة نعوم، في مايو 2022، بطريقة الفيديو كليب، على موقع الفيديوهات الشهير يوتيوب، وهي من كلمات أحمد الچوكر، وألحان وليد العطار، وتوزيع محمد حريقة، وإنتاج هورڤت ميديا برودكشن وإخراج خالد سامي.

الفنانة نعوم، قدمت مجموعة أغاني من إنتاج مزيكا، منها "كدة عيب" و"مسا مسا"، وقدمت أيضا "ناموا ننه"، و "متتخضوش"، و "توت بري"، وشاركت بالغناء في فيلم "ولاد رزق 2" مع فريق المدفعجية، وشاركت بالتمثيل في مسلسل "سلطانة المعز"مع الفنانة غادة عبد الرازق .