أبو الليف باكيا: استلفت فلوس المستشفى.. وبشقى عشان أكل أنا وأسرتي

كتب- عبد الفتاح العجمي:

قال الفنان نادر أبو الليف، إنه دخل العناية المركزة مؤخرا وقضى بها 17 يوما، بتكلفة 88 ألف جنيه.

أضاف أبو الليف، في مداخلة مع برنامج "الوسط الفني" عبر قناة "الحدث اليوم": "أنا استلفت الفلوس دي عشان أدفعها للمستشفى وأخرج، وجبت الفاتورة للنقابة ادوني 15 ألف جنيه من 88 ألف جنيه سالفهم للمستشفى".

تابع باكيا: "نقابة المهن الموسيقية بجلالة قدرها جايين يدوني 15 ألف جنيه، ده يرضي ربنا؟ هو في إيه؟ راعوا زمايلكم وراعوا ربنا، أنا بشقى عشان أكل، ولو اتعرض عليّا أي شغل أنا هوافق، المهم أأكل الأربعة اللي في رقابتي الزوجة والـ3 أطفال عشان ملهمش ذنب".

كان الفنان نادر أبو الليف، تعرض لأزمة صحية في مايو الماضي، دخل على إثرها العناية المركزة بأحد المستشفيات، إثر معاناته من صعوبة في التنفس ونقص الأكسجين بسبب التهاب رئوي وضعف عضلة القلب.