حسن شاكوش يبكي على الهواء: أمي عندها سرطان (فيديو)

كتب- عبد الفتاح العجمي:

بكى مطرب المهرجانات حسن شاكوش على الهواء، كاشفا أنه حزين للغاية لأجل والدته المريضة.

وقال شاكوش، خلال حواره ببرنامج "كلام الناس" عبر قناة "mbc مصر": "والدتي بتدعيلي أن ربنا يفك كربي قريب، هي زعلانة عليّا، وأنا مضايق عشانها، أنا زعلان عشانها هي، أي حاجة بتحصلي بتضايقها وهي أصلا مريضة".

أضاف: "أنا مش بحب أتكلم في الموضوع ده عشان محدش يقول إني بتاجر بمرضها، أنا أمي عندها سرطان، وهي كل حاجة في حياتي، وبقولها ربنا يخليكي ليّا، وكل اللي وصلتله أنت السبب فيه".

وكانت نقابة المهن الموسيقية، أعلنت في 17 نوفمبر 2021، عن قائمة تضم مطربين وفرق مشهورة بتقديم المهرجانات، شملها قرار المنع من الغناء، وهم: أبو ليلة، الديزل، الزعيم، العصابة، المدفعجية، أوكا وأورتيجا، حسن شاكوش، ريشة كوستا، علي سمارة وأحمد عوت، الدخلاوية، ولاد سليمان، حمو بيكا، شواحة، نجوم المهرجانات، علاء فيفتي، عمر كمال، عمرو حاحا، فرقة الصواريخ، فرقة العفاريت، فرقة الكعب العالي، كزبرة وحنجرة، مجدي شطة، وزة مطرية، وعنبة.