عمرو سعد بعد فوزه بأفضل ممثل في الكاثوليكي : وراء كل أعمالي قصة شقى

كتبت- منى الموجي:

أعرب الفنان عمرو سعد عن سعادته بحصوله على جائزة أحسن ممثل عن دوره في فيلم "مولانا"، من مهرجان المركز الكاثوليكي للسينما.

وقال عمرو في كلمة ألقاها عقب تسلمه الجائزة "شرف ليا حصولي على جائزة من المركز، وبشكر ربنا وبشكرني"، مشيرا إلى أنه يهدي الجائزة لنفسه، لأنه لم يحصل على الكثير من الجوائز.

وتابع "بهدي الجائزة ليا، الواحد لازم يدلع نفسه، النهاردة عدى 10 سنين على أول بطولة سينمائية ليا، كنت فاكر وقتها إن بعد سنتين هقلب الموازين، لكن بعد عشر سنين حققت جزء قليل من طموحاتي".

وأضاف "مفيش كتير يعرف إن ورا كل فيلم قدمته كان فيه قصة شقى، اختيار الفيلم وإقناع الإنتاج والسينمائيين بيه مجهود غير عادي، وفيه حقيقة واحدة اني كنت ببذل مجهود كبير عشان امثل الناس إللى جاي من وسطهم، الناس انتخبوني إني أكون ممثل سينمائي".

وشدد على أنه دائما ما كان يختار أفلاما صعبة، موضحا "كان ممكن أكسب فلوس كتير جدا، لكن اعتذرت عن عشرات الأفلام والمسلسلات، وكان فيه خيط رفيع ماسك كل اللي اخترته هو احترام الناس، وده اللي بيخليني اكتب على السوشيال ميديا كلمتين نجاح وتأثير، والتأثير قبل النجاح".

ولفت عمرو إلى أهمية أن يدرك المصريون أهمية صناعة السينما، قائلا "لو أدرك الناس المصريين العاديين وكل الطبقات أهمية صناعة السينما، كان هيبقى حالنا غير الحال، لأن كل صناع السينما حتى اللي مش متفقين معاهم ناس محترمين وفي مقدمة المصريين في قيادة التغيير".