أميرة سيد مكاوي :"والدي تعامل مع الحياة بخفة".. وزوجته ترد: "سعيدة إني تزوجته"

كتب- محمد أبوالمجد:

قالت أميرة سيد مكاوي، ابنة الموسيقارالراحل سيد مكاوي، أنه بالرغم من مرور 26 عامًا على رحيل والدها إلا أنها تعيش بلا ظهر"، مضيفة: "مجرد إحساس أنه سايب فراغ لكن عايشة من غير ظهر منذ رحيله وكل ما تمر الأيام وأكبر الذكريات تزهر ويزيد الشعور بالفقد صحيح مع التقدم في السن مش بيحصل بكاء ولا إنهيار لكن إحساس الفقد يزيد .. مش سهل فقدان حد زي سيد مكاوي، ولسة متعلقة بيه لغاية دلوقتي.

وأضافت "أميرة" في حوارها لبرنامج "كلمة أخيرة" على فضائية "أون إي" اليوم الثلاثاء، أن سر البهجة التي تركها والدها تعود إلى أنه كان إنسانًا مبهجًا وبسيطًا وربما تكون بساطته سر قربه من الناس، موضحة: " كان يتعامل مع الحياة بخفة رغم أنه في ظروفه الصحية لم يعش حالة الاسى بتاعت فقد البصر لكن كان مستقبل الحياة بروح خفيفة وكان بيتريق علينا لما النور يقطع ويقول جتلي الفرصة عشان أوريكم تمشوا إزاي في الظلمة "

وتابعت، أنها الأبنة الصغرى للراحل سيد مكاوي، قائلة: "أنا كانت شقية وأنها قضت مع والدها ووالدتها وقت أطول كون شقيقتها الكبرى إيناس تزوجت مبكرًا وكانت هي صغيرة وأنها مكثت برفقة الراحل فترة أكبر، وأبويا خلق مساحة لكل حد فينا ليشعر أنه الاقرب له وأنا كنت الشقية شوية وإيناس أختي تزوجت وأنا كنت صغيرة وفضلت مع ابويا وأمي كنت بسأله في حاجات كتيرة وكان لينا جلسات خاصة جدا كنت بسأله أسئلة طفولية كنت بتشوف إيه وأنت بتحلم وبتخاف من إيه ".

فيما قالت الفنانة زينات خليل زوجة الموسيقار سيد مكاوي، إنها سعيدة بأنها زوجة الملحن الراحل سيد مكاوى، متابعة :"سعيدة إني تزوجته فهو رجل عظيم واستطاع تحقيق إنجازات كثيرة في حياته بمفرده

وأردفت: "زوجي عمل إنجازات فنية كتيرة لوحده، وسيد مكاوى كان بيضحك على طول حتى لو مفلس ومش معاه فلوس، فدائما ما كان يعرف الضحك فقط."