"حسيت بسكرات الموت".. مصطفى كامل يروي تفاصيل إصابته بأزمة عصبية
تطبيق مصراوي
لرؤيــــه أصدق للأحــــداث
كتب- محمد جمعة:
روى الفنان مصطفى كامل، تفاصيل إصابته بوعكة صحية خلال قيادة السيارة، ونقل على إثرها إلى المستشفى
وقال كامل، خلال مداخلة هاتفية مع برنامج "حضرة المواطن"، مساء الثلاثاء: "كنت رايح للموزع باسم منير عشان نخلص الأغنية، وحسيت من جوايا إني تعبان.. وأنا راجع من عنده كنت في ميدان العباسية حسيت بلحظات سكرات الموت".
وأضاف كامل: "روحي اتقبضت، وعينيا زغللت، ومش شايف العربيات اللي قدامي، والرصيف مش شايفه، وإيدي بتترعش مش عارف أجيب التليفون أكلم مراتي، فبقيت اتشاهد وبعمل محاولة صعبة جدًا عشان أعرف اكلمها".
وتابع الفنان: "لما عرفت أكلم مراتي قولتلها، أنا بموت وابعتيلي ابني عشان ماتبدهلش، وبعد كدة لم أدري بنفسي غير في المستشفى وعملوا الإشعاعات والتحاليل، ودكتور المخ والأعصاب قالي دي أزمة عصبية".
ووجه الفنان رسالة بعد تعرضه لهذه لأزمة، قائلًا: "لا داعي لأي توتر في الحياة لأنها مش مستاهلة جري أكثر من اللازم، أنا دؤوب على العمل وبجري على شغلي، وزوجتي تقولي كتير كده، وصحابي يقولولي إنت دايس على نفسك".
فيديو قد يعجبك:
