إلهام شاهين عن سمير صبري :"مفيش عيلة في الوسط الفني إلا ووقف معاها"

كتب- محمد أبوالمجد:

نعت الفنانة إلهام شاهين، رحيل الفنان القدير سمير صبري، قائلة: "رحيله صدمة وحزن كبير وكان إنسانًا جميلاً واشتغلنا مع بعض كتير في السينما والتلفزيون زي مسلسل ألف وليلة، وكان أول إخراج سمير سيف".

وأضافت "شاهين" في مداخلة هاتفية لبرنامج "كلمة أخيرة " على فضائية "أون إي" اليوم السبت: "الأهم من ذلك هو الفنان سمير صبري على المستوى الإنساني ليه في كل بيت من بيوتنا أثر وحاجه، مفيش عيلة في الوسط الفني وإلا وسمير وقف معاها في حاجه أو قدم لها مجاملة حتى افراحنا مش مجرد بيغني، دان كان بيبقى موجود معانا من أول الفرحة".

وتابعت: "سمير صبري كان بيحسسنا أن عندنا ظهر وسند في فرح في تعب في عزاء، جدعنه بجد جدع مصري أصيل وحنون جدًا وبيسأل على الكبير والصغير".

وكان الفنان سمير صبري غادر عالمنا ظهر أمس الجمعة 20 مايو بعد صراع مع المرض، وحرص على نعيه مجموعة كبيرة من نجوم الفن.