"ضغط الشغل صعب".. علا غانم تكشف سر غيابها 4 سنوات عن مصر

كتب- محمد خميس:

قالت الفنانة علا غانم، إنها تشعر باشتياق كبير لمصر وللجمهور، مشيرة: "لما زرت مصر مؤخرًا كنت عايزة أشوف الناس لسه بتحبني وعايزة تشوفني تاني ولا لأ، وكانت المفاجأة أني بمجرد نزولي أرض المطار الناس بتقولي وحشتينا حمدلله على السلامة".

وأضافت علا في حواره لبرنامج "كلمة أخيرة" على فضائية "ON E" اليوم السبت: "حسيت بالحب وشعرت بالفعل وحشت الناس واي حد ممكن يبقى مبسوط أن كل الناس بتحبه كده " موضحة: "كل الناس كلمتني زملاء ومنتجين وكل زملاء الوسط والمهنة ومكنتش عارفة إحساسي إيه ؟ هل مبسوطة ولا خايفة أم مترددة؟! ولما دخلت الاستوديو تذكرت ذكريات جميلة حلاوة الاستوديو وجمالة وقسوة تنفيذ الأعمال وكل حاجة".

وحول سر غيابها لمدة أربعة سنوات قالت: "اكتشتفت أنهم كانوا كتير ماحستش بيهم وأنا في أمريكا لأن الشغل هناك ضغط كبير ببقى محتاجة اليوم يبقى 40 ساعة مش 24 ساعة"، كاشفة أنها قامت بافتتاح شركة في كاليفورنيا وفندق "للكلاب" قائلة: "عملت شركة وفتحت "أوتيل" للكلاب بنصبغ شعر الكلاب ونحلقلهم شعرهم.. وحققت نجاح كبير في المجال لأني قدمت خدمة بشكل مختلف وعاملة قلق للبرندات الكبيرة هناك اللي عندهم 30 أو 40 فرع رغم أن عندي فرعين فقط وأخطط للثالث قبل نهاية العام".