كاملة أبو ذكري: انسحابي من "زي الشمس" أحلى قرار أخذته في حياتي

كتبت – سحر عزام:

قالت المخرجة كاملة أبو ذكري، إن قرارها بالانسحاب من مسلسل "زي الشمس" هو أحلى قرار أخذته في حياتها.

وأضافت خلال لقاء تلفزيوني ببرنامج "معكم منى الشاذلي" المذاع عبر قناة "سي بي سي" الخميس :"أنا صورت أول 10 حلقات من زي الشمس وحضرت كل المسلسل والملابس، ولكن بعدها حسيت إني مش عايزة أهزق نفسي، عندي أقعد في البيت ولا أهزق نفسي، أنا اضطريت أسيب المسلسل، لأن وجودي كان مضايق ناس، فكان لازم أمشي، هما اضطروني أمشي".

وتابعت أنها شعرت أن مسلسل "زي الشمس" تجربة لا تخصها، لافتة إلى شعورها بالندم على المنشور المثير للجدل الذي كتبته عن شعور بعض ممثلي مسلسلها "100 وش" بالغرور.

وأردفت :"أنا اتضايقت من نفسي بسبب البوست ده، أنا مليش دعوة، كل واحد حر، اللي عايز يبقى مغرور يبقى، واللي عايز يتواضع يتواضع، أنا حبيتهم وأدركت حجم موهبة ممثلين 100 وش، أنا اتضايقت من البوست، عشان أنا كنت ممكن اتكلم في التليفون بدل دوشة السويشال ميديا".