"شكرًا إنكم فاكرينّي".. شويكار تنفي تعرضها إلى مضاعفات نتيجة جراحة خاطئة- فيديو

كتب- محمد خميس:

نفت الفنانة شويكار تعرضها إلى مضاعفات نتيجة جراحة خاطئة، قائلةً: "مفيش حاجة كده خالص، وأنا في البيت دلوقتي"، مضيفةً: "سمعت في التليفون الناس بتسأل عليَّ وقلت لهم والله أبدًا مفيش ولا حاجة أنا كويسة".

وأوضحت شويكار، خلال مداخلة هاتفية مع برنامج "مساء دي إم سي"، اليوم الثلاثاء: "كل الحكاية عندي شوية برد زي أي حد، ولكن مفيش أي كسور أو مضاعفات"، متابعة: "هتشوفوني من جديد عبر الراديو، وبقالي كتير أوي ماعملتش حوارات وأتكسف أطلع في برنامج دلوقتي".

واستطردت الفنانة: "لو المسلسل في الراديو عجبني همضيه، وأقرأ دلوقتي المسلسل، ويارب يكون كويس لأني عايزة أشتغل ومش عايزة أقعد كده، وباشكركم إنكم فاكريني".