بالفيديو - محمد دياب يعلق علي مشاركته لأول مرة في التصويت لأفلام الأوسكار

كتب - علي المناوي:

كشف المُخرج الشاب محمد دياب، مُنذ قليل، عبر مقطع فيديو منشور على حسابه بموقع التواصل الاجتماعي فيس بوك، عن طريقة مُشاركته في التصويت لاختيار الأفلام الفائزة بالأوسكار في دورته الـ90 ، والتي ستعلن بعد ساعات ، والذى سينافس على جائزة أفضل فيلم أجنبي فيها الفيلم اللبناني القضية رقم 23.

وكتب دياب تعليقًا على الفيديو المنشور قائلًا: "انهاردة الاوسكار الـ90 و ده اوسكار تاريخي بالنسبة لي بعد اختياري كعضو في لجنه الاوسكار. ده فيديو اللحظة اللي كنت بصوت فيها، التصويت كله علي الانترنت .. كل فئة بيبقي فيها 5 مرشحين و بتختار فائز واحد ... ما عدا قسم "افضل فيلم" بيبقي فيه عشر مرشحين (السنة دي 9) و بنرتبهم حسب افضليتهم بالنسبة لنا".

وأضاف دياب خلال تعليقه قائلًا: "اكتر حاجة متوقعتهاش هي المسؤولية اللي حسيت بيها ... الواحد كل سنة كان بيتوقع كأنه بيلعب قمار و عاوز توقعاته اللي تكسب ... السنه دي مختلفة تمامًا، طبعا عندي توقعات للي هيكسب بس مش هصوت غير للي مقتنع بيه حتي لو فرصته معدومة، والاقسام اللي شوفت أفلامها كاملة، لأن فيه ناس بتصوت في اقسام ما بتكونش شافت افلامها كاملة".

وأختتم كلامه قائلًا: "انا بشارك الفيديو عشان انا شخصيًا كان عندي فضول، الموضوع شكله ازاي فقولت اوريكوا الموضوع ماشي ازاي".

يُشار الى ان المُخرج محمد دياب سيكون الأول بين أبناء جيله من المخرجين، وأجيال أخرى سبقته بمشاركته في لجنة تحكيم جوائز الأوسكار التي ستُعلن في الساعات الأولى من صباح الأثنين بتوقيت مصر.