"جلدي تخين وإن عدتم عدنا" .. ميدو ينفعل على الهواء بسبب "إرهاب" السوشيال ميديا

كتب- محمد يسري مرشد:

انفعل أحمد حسام ميدو نجم الزمالك ومنتخب مصر السابق ومقدم برنامج "أوضة اللبس" بسبب الهجوم الذي تعرض له عبر مواقع التواصل الإجتماعي ووصفه بـ "الأرهاب" .

وقال ميدو :" فيه ناس بتدفع 400 و 500 ألف جنيه في الشهر للتحكم في السويشيال ميديا والهجوم على الأشخاص ".

وأضاف ميدو " جلدي تخين ومش بتأثر أنا دخلت خناقات ومعارك مع أجمد ناس في مصر والكلام ده مش بيأثر فينا ممكن يأثر في اللاعيبة الصغيرة ".

واستطرد " الناس استنت من أول ما قدمت البرنامج إنى أكون اتحدث بلسان الزمالك ولقوني حيادي أنا زملكاوي بس مش بشتغل في قناة الزمالك لازم أقول رأيي".

وأكمل " أنت بتكفروا اللى بيقول وجهة نظره وبينتقدكوا ؟ أنتوا عايزين أيه؟ ".

وتابع " موضوعي مع زلاتان إبراهيموفيتش تحول لمثار سخرية وهو واقع ، زلاتان حافظ على نفسه وعمل تاريخ أكبر مني وأنا اخطأت بس أنا لعبت معاه ومش بتاجر زى لاعيبة ما لعبتش ب 3 جنيه في أوروبا".

وأنهى " الإرهاب اللى بتعملوه للناس مش بيأثر فيا ".