إسلام الشاطر يوضح حقيقة منعه من السفر

كتب- علي البهجي:
نفى إسلام الشاطر، لاعب الأهلي ومنتخب مصر السابق، منعه من السفر من قبل سلطات مطار القاهرة، متوجهًا لمدريد.
وعلق الشاطر عبر صفحته الشخصية على موقع التواصل الاجتماعي"فيسبوك" على تلك الواقعة، مؤكدًا انه قرر تأجيل السفر بإرادته.
وقال لاعب الأهلي السابق:" اليوم كنت مسافر مدريد الصبح في طائرة الساعة ٩ ونصف وصلت المطار طلعت "الشنطة" الطياره وأنا بقدم البسبور قالي الضابط المسؤول فين تصريح السفر، دورت في "الشنطة" اتضح إني كنت ناسي تصريح السفر ، سألته قلت له يا باشا اعمل ايه ؟ قالي قدامك حلين الاول انك تروح تجيب التصريح وتيجي قبل الطياره او تأجل السفر لتاني يوم وبما ان طائرتي كانت ٩ ونص وانا كنت هناك حوالي ٨ ونصف.
وأضاف:" أجلت السفر وبكره إن شاء الله مسافر وكل الضباط المتواجدين تعاملوا معايا بمنتهي الاحترام والحرافيه وحاولوا يساعدوني بكل الطرق وكل تأخيره وفيها خيره ".
وتابع:" هذا ما حدث اليوم في المطار الصبح ، حاولت أوضح لان في ناس كتير اتصلت بي تسأل لماذا منعت من السفر ليه؟ ولقيت حد بيسالني يعني هوا انت لا تنتمي لأي فصيل سياسي علشان كدا اتمنعت من السفر !
واختتم مازحًا:" الحقيقه مردتش عليه وفضلت أضحك ، شكرًا لكل من سال عليا انا تمام الحمدلله ، المره الجايه اللي بيكلمني يبقا يجي بعيش وحلاوة".