وجع قلبي وقسم ظهري.. الفنان عادل الفار يكشف تفاصيل وفاة ابنه في حادث

كبت- أحمد عبدالمنعم:
كشف الفنان عادل الفار عن تفاصيل رحيل ابنه شادي في حادث قبل عامين.

وأوضح "الفار" خلال استضافته ببرنامج "كلم ربنا مع أحمد الخطيب" على الراديو 9090، أن غلطة عمري أني زعلت من ابني فترة طويلة وتركته للدنيا وأصدقاء السوء وهو كان مريض سكر ومات فجأة قبل ما نتصالح وموته قسم ظهري.

ووجه عادل الفار رسالة لكل أب قائلا: "بقول لكل أب خد بالك من ابنك عشان عمره ميضيعش منك زي ابني عمره ما ضاع مني في لحظة وصاحب ابنك وقرب منه وأعرف دماغه وتفكيره وخليك قريب منه".

وأضاف: "النهاردة ذكرى وفاة ابني شادي.. وبدعي له ربنا يرحمه ويسامحه وبقول له سامحني يا ابني يا حبيبي على تقصيري معاك.. انت غالي عليا ومفتقدك جدًا".

وعن علاقته بربنا قال:"في السنين اللى فاتت من حياتي بكلم ربنا في كل وقت بدعيه وأرجوه يسامحني ويهديني بعد سنين طوال كنت فيهم بعيد عنه.. والحمد لله على كل نعم ربنا عليا وخصوصا نعمة الهداية".