"العدة في الشنطة".. بدرية طلبة تسخر من اتهامها بعدم الحزن على زوجها

كتب: محمد جعفر

عبرت الفنانة بدرية طلبة، عن استياءها الشديد من التعليقات المسيئة على السوشيال ميديا التي اتهمتها بقتل زوجها عقب إعلان وفاته

وكتبت: "معرفش اللي كتبت تعليق تقول أني قتلت جوزي وسافرت جابت الجراءة دي منين، والمحامي حلف مش هيسبها لأن التعليق كان جزم بالقتل وليس سؤال".

وأوضحت بدرية طلبة، خلال حوارها في برنامج "أسرار"، مع الإعلامية أميرة بدر، المذاع على قناة النهار، أنها قبل وفاة زوجها بوقت قليل باركت له بعد مهرجان نٌظم باسمه في الاسكندرية، مضيفة: "كنت سيباه كويس وكنت في فرنسا بعمل مسرحية وقبلها طلعت عملت عمره وهو متابعنا وكان كويس".

وانهارت بدرية طلبة في البكاء قائلة: "ربنا وحده وكيلي وأنا مش بنام، وأنا لحد دلوقتي رافضة أنه توفى والناس ظالمة أوي ووحشة أوي، والناس طلقتنا وجوزتنا وبيقولوا سابته وهو عيان ومن الكلام ده خلوني راجعت الكاميرات بتاعت ممكن أكون سيبته تعبان ولقيته زي الفل"

ووجهت حديثها لمنتقديها: "أنتم هتكونوا أحن عليه مني ولو أنا طلقته في بنا عشرة هحزن عليه وبنتي الكبيرة اللي كانت هنا والأحفاد عرفوا من المدرسة وانهاروا".

وقالت بدرية طلبة إنه بالرغم من الانفصال بينها وبين زوجها إلا أن ذلك ليس سببا يدفعها إلى عدم الحزن عليه، قائلة: "اللي تموت عنده قطة بيزعل عليها.. ويقولولك أنتي مش زعلانة!.. والعدة!.. عدة إيه، العدة في الشنطة!".