مي عمر: مقدرش أعيش مع راجل خاين

القاهرة- مصراوي:

قالت الفنانة مي عمر إنها لا تملك خطيئة الغرور، وأكدت أنها تشعر بالغيرة على زوجها المخرج محمد سامي، لكنها لا تحب أن تُظهر الأمر.

وعن طريقة غيرتها على زوجها المخرج محمد سامي قالت في برنامج أسرار مع المذيعة أميرة بدر المعروض على قناة النهار في رمضان 2024: "أشعر بالغيرة بالطبع بس مبحبش أبيّن، بغير من حاجات هبلة، وبقول أنا اتضايقت لو حصل حاجة معينة، وهو محترم وبيراعي الحتة دي".

وأضافت مي: "أنا بثق في محمد سامي جدا"، وتابعت "لو حصل من محمد سامي حاجة، هيبقى رد فعلي كبير، لأن الخيانة مش حاجة سهلة ومش هقدر اتقبلها، وأنا مش همشي ورا الإشاعات، ولو وصل الأمر للخيانة مستحيل أعمل نفسي مش واخدة بالي، ومقدرش ابقى مع واحد بيخوني، ومش حاسة اني هقدر استحمل الخيانة، ومش بغير من حبه لبناته".

برنامج "أسرار" تقدمه المذيعة أميرة بدر على شاشة النهار يومياً خلال شهر رمضان، في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.