سمية الخشاب عن مقلب رامز جلال: "أنا متدمرة ودراعي مش قادرة أحركه"

كتبت- منى الموجي:

كشفت الفنانة سمية الخشاب عن الإصابات التي لحقت بها بسبب سقوطها ضحية لمقلب الفنان رامز جلال من خلال برنامج "رامز جاب من الأخر"، المعروض على قناة MBC مصر في رمضان 2024.

وقالت سمية في لقائها مع برنامج "et بالعربي": "الفكرة إن ليه الناس ساكتة وليه أنا أتأذي، أنا متدمرة، بكلمك وأنا دراعي مش قادرة أحركه من مكانه والمفروض يبقى فيه في رجلي جبيرة، وده بتقارير طبية من 3 دكاترة منهم واحد انجليزي".

وتابعت سمية "برامج المقالب متاحة وعادي ومبررة بس ليه تأذيني وناس كتير تتأذي، مفيش أي مبرر لمجرد أنه عايز يشتهر ويطلع ويعمل نجاحات ومشاهدات على حساب صحة الناس، لإن صحتك كنز مفيش أغلى منها وأيا كان اللي هيتقال انتي عارفة المقلب ومضيتي على ورقة إنك موافقة على الملابسات، ملابسات إيه هو انت حضرتك فيه حد بيمضي على أنه يتكسر ويعرض حياته للخطر وصحته للخطر، ممكن يكون مالهاش علاج بعد كده، إيه يساويها تتقدر بإيه ولا بملايين الدنيا".

View this post on Instagram

A post shared by ET بالعربي (@etbilarabi)

وكانت الفنانة سمية الخشاب أكدت ما تم تداوله الأيام الماضية بشأن تعرضها للإصابة أثناء وقوعها ضحية لإحدى حلقات برنامج مقالب الفنان رامز جلال الجديد "رامز جاب من الأخر"، وقالت في تصريح خاص لـ"مصراوي"، ردا على حقيقة تعرضها لإصابة بسبب المقلب: "أيوة فعلا، بس فيه إجراءات قانونية وأنا منتظرة حكم القضاء".

وتشارك سمية الخشاب في رمضان ٢٠٢٤ بمسلسل بـ١٠٠ راجل، ويشارك في بطولته النجوم: صلاح عبدالله، سماء إبراهيم، محمود عبدالمغني، محمد القس، هالة فاخر، ومن تأليف محمود حمدان، وإخراج إبرام نشأت.

اقرأ أيضا

خاص| سمية الخشاب تقاضي رامز جلال بسبب إصابتها في برنامجه رامز جاب من الأخر

17 صورة لنجوم الفن في سهرة رمضانية بضيافة مي عمر ومحمد سامي