بالفيديو.. فيفي عبده تكشف عن موقف مؤثر حدث لها أمام الكعبة

كتب - معتز عباس:

ردت النجمة والراقصة الاستعراضية فيفي عبده، على الانتقادات التي وجهت إليها بسبب ذهابها لأداء مناسك الحج والعمرة من أموال حفلات الرقص التي كانت تقوم بإحيائها.

وقالت "عبدة"، خلال لقاء ببرنامج "حبر سري"، مع الاعلامية اسما ابراهيم، المذاع على قناة القاهرة والناس، اليوم الخميس، إن الرقص مهنة وفن محترم، مضيفة: "أنا مبفهمش في الدين ولا في السياسية.. اللي يفتي في دي الناس بتوع الدين".

"دلوقتي كل واحد عايز يحكم على التاني بمزاجه وكل واحد عايز يعمل قاضي، ولكن ده شيء بتاع ربنا مش العبد ودي مهنة زي كل المهن وبتعب واشقى وبروح بيتي ربنا عالم بيا".

وأكملت: "أنا تعرضت لظلم كبير من الناس، وأنا عايزة أقولهم اني متجهة لربنا من 37 سنة، والعبادة في شهر رمضان بالنسبالي حاجة محتفلة بيني وبين ربنا وهو اللي هيديني المكافأة، انا غلبت وزهقت من تعب وظلم الناس".

وروت فيفي عبده موقف حدث لها أمام الكعبة قائلة: "في مرة بلف حول الكعبة وكنت بعيد عنها ناحية الأبواب ودعيت ربنا لو راضي عليا امسك الكعبة وكأن المكان اتفتح ووجدت نفسي واقفة عند قدام الكعبة وحسيت برضا من عند الله وربنا رب قلوب مش مناظر وأشكال".

يذكر أن آخر مشاركات الفنانة فيفي عبده كانت بمسلسل "شغل عالي" وعرض عام 2022.

اقرأ أيضا..

محمد لطفي يكشف سر خلافه مع محمد شاهين في "رامز جاب من الأخر"

"عتبات البهجة" الحلقة الرابعة.. يحيى الفخراني يواجه اتهام بالتهرب الضريبي