محمد شاهين عن مشهد المواجهة في "الهرشة السابعة": "كنت شايل همه" (خاص)

كتبت- منى الموجي:

قال الفنان محمد شاهين، إنه كان يحمل هم مشهد المواجهة بينه وبين الفنانة أمينة خليل في مسلسل "الهرشة السابعة" الذي عُرض في النصف الأول من شهر رمضان على قناة MBC مصر.

وأضاف في تصريحات خاصة لـ"مصراوي": "كنّا قاعدين قدام بعض أنا وأمينة واحنا بنصوره، والكاميرتين محطوطين، ومن ساعة ما اخدنا الحلقات بصراحة كنّا كلنا حاملين هم المشهد، وكنا بنفكر إزاي هيتعمل مش لأنه صعب، لكن لإن لما قريته لقيت الجمل مش بترد على بعض هي بتقول مشكلة وهو بيرد بمشكلة تانية بتاعته".

وتابع شاهين "آدم ونادين في المشهد ده مكانوش سامعين بعض، وكانوا بيزودوا على المشاكل اللي عندهم، كانت مواجهة متأخرة، بعد المناقشة كان المفروض يحصل حاجة بس بعند وكبر قرروا ياخدوا القرار، والغضب جوة الاتنين مش طايقين بعض وفي نفس الوقت بيحبوا بعض جدا".

"الهرشة السابعة" تأليف ورشة سرد للكاتبة مريم نعوم، إخراج كريم الشناوي، بطولة أمينة خليل، محمد شاهين، حنان سليمان، علي قاسم، أسماء جلال.

اقرأ أيضا:

بداية مبشرة ومنى زكي بتعمل عظمة.. تعليقات الجمهور على "تحت الوصاية"

"مشهد للتاريخ".. الجمهور يعلق على أداء جومانا مراد بمشهد الوفاة في "عملة نادرة"؟

ياسر جلال: مي عمر صديقة عزيزة ودورها في "علاقة مشروعة" صعب ومركب (خاص)