"عملية التكميم وهجوم طارق الشناوي وأزمة رامز جلال".. أبرز تصريحات محمد فؤاد في "العرافة"

كشف الفنان محمد فؤاد، عن تفاصيل عديدة في حياته الشخصية وعملية التكميم التي أجراها، وأزمة حلقته مع الفنان رامز جلال في رامز نيفر إند ، وهجومه على الناقد الفني طارق الشناوي، وغيرها.

نستعرض لكم أبرز تصريحات محمد فؤاد في برنامج "العرافة" في السطور التالية:

- أنا مش محتاج أشارك في برنامج "رامز نيفر اند" عشان آخد فلوس الموضوع مش فلوس بس.

- رامز جلال أبوه موصيني عليه قبل ما يموت، وأبوه كان آية من آيات ربنا، راجل جميل جدا، وهو واخوه ياسر اخواتي، قرأت الفاتحة مع نسايبه وشاهد على زواجه.

- رامز جلال ابني وحبيبي وأي نجاح له يسعدني.

- معنديش مانع أشارك في برامج رامز جلال روحت وهروح له تاني، والهجوم على رامز أنا مقبلهوش، وعموما لو الواحد عرف ايه اللي هيحصل بالظبط الحلقة تبوظ.

- خضعت لـ3 جراحات حتى أخسر وزني.

- ابني بيخاف عليا من التكميم وكل ما آجي أعملها ابني عبدالرحمن يقولي متعملهاش يا بابا عشان خاطري، لكن أنا مؤمن بالله وعارف إنه لن يصيبنا إلا ما كتب الله لنا.

- عمري ما دخلت عملية خايف، وكنت بفكر في عيالي وإن ربنا يكتب لي السلامة، وفي الآخر عملتها وابني جالي المستشفى بعد ما عملتها وعيط شوية.

- محمد فؤاد يهاجم الناقد الفني طارق الشناوي بعد سخريته من زيادة وزنه ووصفه بـ "سيد قشطة"، قائلا "أنت مش متربي.. ازاي تقول عليا سيد قشطة، ده أنا هسجنك، لازم تبقى مؤدب، أنت كده مش متربي و مشفتش تربية".

- السوشيال ميديا بقي فيها سم قاتل، وكل واحد عمال يفتي براحته.