رامز جلال عن لدغة الثعبان في برنامجه "رامز نيفر إند": "بحس بأنياب بتطلعلي"

كتب- محمد أبوالمجد:

كشف النجم رامز جلال، تفاصيل برنامجه "رامز نيفر إند" والذي يعرض خلال شهر رمضان المقبل، على فضائية "إم بي سي مصر" قائلًا: "من ضمن كواليس البرنامج أن الوزة عزة بتلعب دور البطولة وفي قصة حب غير طبيعية بينا ومحتفظين بالمشاهد بينا وهنذيعها في حلقة لوحدها والناس هتفهم وهتحبها أوي"، ليرد الإعلامي شريف عامر قائلًا: "لما دخلت لقيت رامز بيسأل على عزة وفضلت أسأل مين عزة واكتشفت أنه يقصد الوزة".

وعن مشهد لدغ الثعبان له، قال "رامز" في مداخلة هاتفية لبرنامج "يحدث في مصر" على فضائية "إم بي سي مصر" اليوم الأربعاء: " لما أتقرصت من الثعبان مكنتش أعرف هل سام ولا لأ ولحد دلوقتي محتاج أطعم، دانا بحس بأنياب بتطلعلي وأنا نايم، وحسيت إن ربنا بيخلص والله اللي بعمله في الناس".

وتابع: "أشكر مخرج البرنامج على الجهد الكبير اللي عمله، وأحب أقولكم إننا عملنا وحدة مونتاج خاصة بالبرنامج وفيها رجالة تعبت جدًا وبشكرهم إنهم دائمًا في ضهري، وكلهم تعبانين وشغالين في الحلقات حلقة بحلقة، وأنا عايز أشكر كل واحد في البرنامج باسمه".

ووجه حديثه للإعلامي شريف عامر، قائلًا: "في واحد لازم تشكره لأنه ممكن يحبسنا أنا وأنت مش قاعد في مصر لازم توجهله شكر، وهو ياسر ابني هو اللي بيحمسني وبيقولي لازم تعمل حاجه"، ليرد شريف عامر، قائلًا: "أنا واحد من الضحايا يا ياسر بيجربوا فيا"، ليرد رامز، قائلًا: "بحبك يا ياسر".