محمد فهيم عن "عملة نادرة": "كل بني آدم هيشوف نفسه بالشخصية"

كتب- مصراوي:

كشف الفنان محمد فهيم، تفاصيل شخصيته في مسلسل "عملة نادرة" المقرر عرضه في موسم دراما رمضان 2023.

وقال فهيم ببرنامج "ذا انسايدر": "كل اللي أقدر أقوله عن شخصية علاء التي أقدمها بالمسلسل، إن كل بني آدم هيشوف نفسه في الشخصية دي.. يعني البني آدم دايما مليان حاجات كتير عمره ما بيفضل خير طول الوقت ولا بيفضل شر طول الوقت، وده البني آدم الطبيعي".

وتابع فهيم: "من الحاجات اللي خلتني أحب الشخصية دي فعلاً وأعملها هو إن الشخصية فيها الإنسان، واللي هيتفرج هيتفاعل معايا بشكل تلقائي وطبيعي وهيتأثر معايا".

وأضاف: "بحب أعيش الشخصية والدور، وأشغل الأغاني الصعيدية في الكارافان عشان أعيش جوه الشخصية، وبعمل لنفسي كل الحاجات اللي تساعدني على ده".

مسلسل "عملة نادرة" دراما صعيدية بطولة نيللي كريم، جمال سليمان، أحمد عيد، كمال أبو رية، چومانا مراد، رمزي العدل، فريدة سيف النصر، ندا موسى، مريم الخشت، محمد فهيم، هشام عاشور، المسلسل تأليف د.مدحت العدل وإخراج محمد العدل ومن إنتاج جمال العدل.

View this post on Instagram

A post shared by The Insider بالعربي (@theinsiderar)