مصطفى شعبان يكشف كواليس خلافاته مع الفنانة منى زكي

كتب وائل توفيق:

كشف الفنان مصطفى شعبان كواليس خلافاته مع الفنانة منى زكي.

وقال مصطفى شعبان أثناء استضافته في برنامج "حبر سري" على شاشة "القاهرة والناس": "زعلت طبعا، لما قالت إن أسوأ أفلامها أحلام عمرنا ومعاتبتهاش، ومفيش حاجة اختلف فيها أنا ومنى غير فنيا، لإنها هي نجمة جيلي في العالم العربي، وهي صديقة أعرفها كويس من زمان، اشتغلنا مع بعض عند الأستاذ محمد صبحي، واشتغلنا في الجامعة، وأخوها دفعتي كان معانا في إعلام برضه، علاقتي بيها كويسة جدا، وأنا بحب أحلام عمرنا جدًا".

وتابع: "إحنا متقابلناش تاني من وقتها إلا صدفة، ومنى غالية عليا جدا، وأكيد اللي زعلها في الفترة دي حاجة مهنية، في حقيقة الأمر مفيش بيني وبينها حاجة شخصية خالص، مفيش موقف افتكره إن أنا وهي زعلنا من بعض، وموصلنيش إنها اتكلمت عني بشكل وحش، وصلني إنها تكلمت عن تجربة الفيلم إنها مكانتش مرتاحة فيها، وتجربة الفيلم ممكن يكون فيها حاجة مريحتهاش أو اتنين معرفش، متناقشناش في الموضوع، كنا وقتها جيل بيبتدي، طبيعي يحصل أخطاء، وطبيعي منحسنش التصرفات أحيانا، لإن أحنا لسه صغيرين".

وأضاف: "منى زكي نجمة كبيرة واسم كبير جدًا، وهي نجمة من قبلنا كمان من وهي صغيرة، من أوائل الأسهم اللي بدأوا في الجيل ده، بس أنا فاكر اللي حدث في الفيلم في أواخره، أكيد إحنا ما أحسناش التصرف فيه، وأكيد برضه مكانش معانا حد يحبنا إحنا الاتنين حقيقي، يحلناهلنا إزاي، لو مفيش مشكلة كانت تتحل إزاي، وده اللي خلى الموضوع يكبر مش يصغر".

ويشارك الفنان مصطفى شعبان في بطولة مسلسل "دايما عامر" التي تعرض ضمن الموسم الدرامي الرمضاني الحالي 2022.

المسلسل من بطولة مصطفى شعبان، لبلبة، صلاح عبدالله، عمرو عبدالجليل، ميرنا نور الدين، نضال الشافعي، سماء إبراهيم، محمد ثروت، كريم عفيفي، أحمد الشامي، سينتيا خليفة، محمد محمود، شريف دسوقي، والمسلسل من تأليف مايكل عادل وأيمن سليم، إشراف على الكتابة أحمد عبدالفتاح، وإخراج مجدي الهواري.