شريف رمزي يكشف حقيقة علاقته العاطفية بالفنان روبي

كتب- وائل توفيق:

كشف الفنان شريف رمزي عن حقيقة ما تردد حول علاقته العاطفية مع الفنانة روبي سابقًا.

وقال أثناء استضافته في برنامج "سابع سما" على شاشة قناة "النهار": "روبي صديقة عزيزة جدا، أنا أعرفها من قبل ما كانت تعمل فيلم مع يوسف شاهين، وأنا كنت بعمل فيلم أسرار البنات".

وبخصوص علاقتهما العاطفية، أضاف: "زمان يمكن أصل مبحبش اتكلم، لو معروفة خلاص مش هقدر أنكر، عشان متبقاش إنها حاجة غلط، أنا مبحبش أقول أني كنت في علاقة مع أي بنت".

ونفى أنه كان يريد الزواج منها لكن والده رفض الأمر، قائلا: "قعدنا فترة صداقة كبيرة جدا، وهي من أنضف البنات، وكنا شبه مرتبطين، بس كنا صغيرين، فمقدرش أقول الكلمة دي، لإن أحنا كنا أطفال، مقدرش أقول حتى فى السن ده إن في ارتباط، أصل ارتباط ده يعني خطوبة أو جواز، مكانش فيه ده، كان فيه علاقة بتاعة اتنين لسه بيبدأوا متطورتش، لكن علاقتي بيها زي الفل".

يذكر أن آخر أعمال الفنان شريف رمزي، حكاية "أحمد يا عمر" ضمن حكايات الجزء الثاني من مسلسل "نصيبي وقسمتك".

حكاية "أحمد يا عمر" بطولة: شريف رمزي، بسمة، هيدي كرم، مي سليم، دينا محسن (ويزو)، وآخرون.