سماح أنور: "محمد رمضان نجم كبير وممثل عظيم فعلا"

كتب- وائل توفيق:

كشف الفنانة سماح أنور عن رأيها في موهبة الفنان محمد رمضان وتصرفاته.

وقالت سماح، أثناء استضافتها في برنامج "ضرب نار" على شاشة قناة "القاهرة والناس": "محمد رمضان نجم كبير، بياخد من تصرفاته دي قصته، كل واحد مشغول بقصته هو، لكن بالنسبالي أنا ممثل عظيم فعلا، لم يُستغل بعد خالص، هو بينشن غلط، هو بينشن جماهيريا بس، مفيش حاجة بتضر أي فنان طالما نجحت".

وأضافت حول إمكانية تجسيدها لدور والدته في عمل فني: "هي والدته مش هتتصدق، أنا كبيرة وأخلفه، مخلفش محمد رمضان، أنا ابني عنده 26 سنة، أنا أتحفظ شكلا بس، مش هابقى مقنعة، سني كبير آه، لكن مش كبير قوي للدرجادي، مش عجوزة جوايا، أنا لسه بسخن أصلا، ده مبيحددش، مش لازم أتهد يعني عشان في أيام عدت".

ويشارك الفنان محمد رمضان في الموسم الدرامي الرمضاني الحالي في بطولة مسلسل "المشوار" إخراج محمد ياسين، ويشارك معه الفنانين، دينا الشربيني، أحمد مجدي، أحمد صفوت، أحمد كمال، بيومي فؤاد، سامي مغاوري، محمود الليثي، ندى موسى، سماء إبراهيم، علي صبحي، محمد عبده، ومحمد جمعة وغيرهم، وهو من تأليف محمد فريد.