"حاجة مشرفة لمصر"..والد شهيد الواحات عن مسلسل "الاختيار2"

كتب- محمد خميس:

علق النائب حافظ شوشة، والد الشهيد أحمد شوشة، شهيد مأمورية الواحات، على مشاهد الحلقات 25و 26 من مسلسل "الاختيار2"، قائلًا: "حاجة جميلة ومشرفة لكل مصر مش بس أهالي الشهداء لأنها رسالة للعالم أن شبابنا لديهم رغبة في التضحية من أجل بلدهم ومش بيفكروا في نفسهم بس وأن أرواحهم فداء لتراب مصر ".

وأضاف "شوشة" في مداخلة هاتفية لبرنامج "كلمة أخيرة " على فضائية "إكسترا نيوز" اليوم السبت: "تضحية الشباب دليل على أن دمهم ده رخيص أوي مقابل تراب مصر وأنا لو عندي عشر أولاد هضحي بيهم فداء لمصر ولسه بقول كده رغم مرور ثلاث سنوات على الشهيد ".

وحول المشهد الذي جسد شخصية الراحل قال: " العساكر اللي كانوا معاه في الواقعة حكولي اللي حصل في الواقعة وبطولته وكل التفاصيل وانه لم يخف ولم يخش منهم وقال لهم لا أخاف منكم لانكم شوية خونة وإستشهد وهو واقف على رجليه ولديه ثبات إنفعالي كبير في عمر 23 سنة وقف وقال كده في وش الإرهابيين مين في العالم يملك شباب زي شباب مصر بعزيمتهم وقتهم ؟ .

وأكد، أنه لم يستطع مشاهدة الحلقة بالأمس، قائلًا: "نزلت بعد الفطار ورجعت الساعة 2 بليل مشيت في الشارع مش عارف أنا رايح فين مقدرتش أشوف مشهد الاستشهاد"، إذا كان خبر إستشهاده كان مفاجاة ليا فإزاي هقدر أشوف المشهد".، موضحًا: "بالرغم من ذلك تابعت مسلسل الاختيار منذ بدايته وهو مسلسل واقعي جدًا بس مقدرتش أشوف الحلقة اللي فيها إبني أخته الكبيرة خلود بس هي اللي شافت الحلقة وتعبت نفسيًا بعدها لانه كان معزوم عندها قبل إستشهاده ولما قلتله خلي بالك من نفسك قلها إدعي ربنا بس ابقى شهيد حد يطول".