"عيب ده قد أبوك".. الجمهور يعلق على وقوع محيي إسماعيل في مقلب "رامز"

كتبت - ياسمين الشرقاوي:

أعلن عدد من مستخدمي مواقع التواصل الاجتماعي رفضهم لوقوع الفنان محيي إسماعيل في مقلب برنامج "رامز مجنون رسمي".
وغرد رواد "تويتر"، حول الحلقة معربين عن الاستياء مما حدث بها: "أنا سكرت الحلقة حسيته بيتهزء وهو راجل كبير، مهما كان كوميدي وعادي يتقبل أي حاجة بس على الأقل أراعي إن مقلب زي ده ممكن يموته لإنه مش هايستحمل زي الشباب".

كما غرد أحد الرواد قائلًا: "والله بجد حاجه تزعل، لما تجيب راجل في سن أبوك وتبهدله وهو مضطر يقبل عشان محتاج فلوس، دي قله حياء مش فن"، "حلقة محيي إسماعيل دي تزعل متضحكش خالص الناس هتعلم ولادهم إزاي يحترموا الكبير وهما شايفين راجل كبير بيتهزق على سبيل الهزار"، "هو أنا الوحيدة اللي شايفة إن مينفعش حد في سن محي إسماعيل يحصل فيه كدا".

ووجه أحد الرواد حديثه إلى "رامز"، قائلًا: "يا رجل عيب عليك، احترم كبر سنه، عنجد زعلتني ولله حرام عليك
قد والدك بتعمل فيه هيك، بترضاها على أبوك؟".
برنامج "رامز مجنون رسمي"، تدور فكرته على أساس استدراج الضحية للمشاركة في برنامج باسم كرسي الحقيقة، من تقديم أروى، قبل أن يظهر رامز جلال ويوقع الضيف في مقلبه.
ويتم ربط الضيف في كرسي يتم توصيله بالكهرباء ويتعرض الضيف إلى تعذيب رامز جلال.