ياسر جلال يسأل الجمهور عن رأيه في أولى حلقات "رحيم".. فماذا قالوا؟
الفنان ياسر جلال
تطبيق مصراوي
لرؤيــــه أصدق للأحــــداث
كتبت- منى الموجي:
حرص الفنان ياسر جلال على معرفة رأي الجمهور في الحلقة الأولى من مسلسله "رحيم"، والتي تم عرضها مساء أمس الأربعاء.
ووجه ياسر لجمهوره ومتابعي صفحته الرسمية على موقع "فيسبوك"، سؤال عن رأيهم في الحلقة، وكتب "أحب أعرف رأيكم في أول حلقة وفي الاستقبال"، ونشر فيديو للحظة خروج "رحيم" من السجن بعدما قضى فيه نحو سبع سنوات، بعد اعتقاله في يناير 2011، وجاءت تعليقات الجمهور لتشيد بأداء الفنان حسن حسني والفنان محمد رياض، وأثنت على أداء ياسر جلال، مؤكدين له أن الحلقة الأولى دلت على المستوى الجيد الذي سيكون عليه المسلسل في الحلقات المُقبلة، وانتقدت بعض التعليقات شكل "الدقن" التي ظهر بها أثناء تواجده في السجن، في إشارة إلى أنها بدت غير طبيعية "مفتعلة".
ومن بين تعليقات متابعي الصفحة:
- حلقة جامدة ومسلسل باين من أوله إنه ناوي يتربع علي عرش الدرما في رمضان . بس الدقن شكلها مفتعل، وكانت عايزة شوية شغل مهاري اكتر من كده لأنه ما ينفعش أبوظ طبخة عشان بقرش ملح .
- لو حلاق بيظبط نفسه في الحمام مش هيرجع نفسه زي أول الحلقة كدة.
- حلقة حلوة جدا وبالذات مشهد الاعتناء بالأب.. وسيبك انت بقي من ده كله.. لايق عليك الدقن أوي مع قصة الشعر.. حقيقي تحفه ودايما ف تقدم يارب.
- اللي لازم نشيد به هو حسن حسني عمل مشهد عظيم لما روحت تجيبه من القرافة كنتو رائعين.. وحسن حسني فظيع بجد.. يارب تكمل بالقوة دي.
- دي لسه أول حلقة وبالشكل الخرافي ده أمال باقي الحلقات هتبقي ازاي هيبقي أحسن مسلسل في رمضان ده بلا منازع أكيد.
- الشهادة لله انت برنس ليه مكنتش تعمل الأدوار دي من زمان، المشية وطريقة الكلام والنظرات كل حاجة بتقول إنك برنس، والمسلسل واضح إنه هينجح باكتساح.
- تحفة بجد شكلوا هيبقي جامد جدا مش كتيير بتكون أول حلقة قوية كدا، لكن المسلسل من أول حلقة يشدك ويخليك عايز تكملوا وتعرف ايه اللي هيحصل.
- الفنان ياسر جلال والفنان محمد رياض مع بعض في عمل واحد يبقي ان شاء الله هيكسر الدنيا مبروك.
- حلقة ممتازة.. لكن الدقن عند الخروج من السجن غير واقعية.. ان شاء الله ناجح كالعادة.
يُذكر أن المسلسل كان من بين الأكثر شيوعًا على موقع "تويتر"، فور عرض حلقته الأولى.
"رحيم" تأليف محمد إسماعيل أمين، بطولة ياسر جلال، نور، حسن حسني، محمد رياض، دينا، دنيا عبدالعزيز، إيهاب فهمي، إخراج محمد سلامة، إنتاج فنون مصر.
فيديو قد يعجبك:
