بالصور.. طوابير المعاشات لا تعرف كورونا في البحيرة

البحيرة- أحمد نصرة:

شهدت أماكن صرف المعاشات، بمحافظة البحيرة، اليوم الثلاثاء، تزاحمًا وتكدسًا شديدًا من المستحقين.

وظهر المستحقون وهم يصطفون في طوابير طويلة أمام مكتب بريد الهدايا، بمدينة دمنهور، وسط غياب للتنظيم أمام الشبابيك المخصصة لتقديم الخدمة.

"مينفعش نستنى ورانا التزامات وعاوزين نشتري حاجة العيد".. بهذه الكلمات فسرت "روحية" إحدى المستحقات للمعاش، سبب إصرارها على الانتظار، وتحمل الزحام.

وقال "عبدالباسط": "سحبوا مننا الفيزا من شهر مارس، لو معانا الفيزا عمرنا ما هنقف الوقفة دي، وهنقبض من الماكينة في أي وقت تكون رايقة فيه".

وقالت "فاطمة": " أنا هنا من ساعتين وقدامي لسه ساعتين زيهم على الأقل عشان أقبض معاشي، الطابور لآخر الشارع، واقفين في الشمس صايمين، ومفيش حتى كرسي نقعد عليه، وربنا يستر من الزحمة وكورونا".