القضية أحيلت للجنايات.. قصة استدراج طالبة واغتصابها بالبحيرة: "8 رجال تناوبوا عليّ عاما كاملا"

01:40 م الثلاثاء 24 يوليو 2018

تطبيق مصراوي

لرؤيــــه أصدق للأحــــداث

البحيرة- أحمد نصرة:

قررت نيابة الدلنجات إحالة رائدة صحية بوحدة أسرة و7 آخرين في القضية رقم 906 لسنة 2018، إلى محكمة الجنايات بتهمة اغتصاب طالبة بمساعدة المتهمة الأولى.

والمتهمون بالقضية "ر.ص.ع" 33 سنة وتعمل رائدة وحدة صحة أسرة، "ع. ع. ع" هارب، "م. ك. ع" هارب، "ا. ع. ع" 30 سنة عامل زراعي، "ح. ع. ذ" 40 سنة، عامل زراعى، " م. ز. ع" 32 سنة عامل زراعى، "ع. ع. غ" هارب، "م. ع. ا" هارب، وجميعهم مقيمون بدائرة مركز الدلنجات، حيث ساعدت المتهمة الأولى باقي المتهمين في الاعتداء جنسيا على المجني عليها "س. ف. م" على مدار عام وتهديدها حتى تحريرها بلاغًا بقسم شرطة الدلنجات.

وكشفت تحقيقات النيابة العامة، أن المتهم الثاني "ع. ع. ع" اعتدى على المجني عليها "س. ف. م" بغير رضاها عن طريق تهديدها بإشهار سلاح أبيض في وجهها، بعدما اتفق مع المتهمة الأولى على استدراجها لمنزل لاغتصابها، كما أظهرت التحقيقات قيام المتهمين من الثالث حتى الثامن بهتك عرض المجني عليها بعد فض المتهم الثاني لبكارتها.

كانت الطالبة تقدمت ببلاغ وروت في أقوالها أمام النيابة تفاصيل ما حدث قائلة: "تعرفت على الرائدة الريفية رشا في إحدى الحدائق العامة بالدلنجات ودخلت معايا في الكلام لغاية ما عرفت إن والدي مريض بالقلب ويحتاج إلى دواء خاص، فقالتلي إنها تقدر توفرهولي وخدت مني رقم التليفون علشان تتصل بيا لما تجيبه".

وأضافت: "بعد أسبوع من اللقاء جاتلي مكالمة من رشا وأنا في المدرسة وطلبت مني أروحلها في المركز الطبي فقلتلها مش هينفع لأن باب المدرسة مغلق ولا تخرج الطالبات قبل انتهاء اليوم الدراسي، فقالتلي هجيلك المدرسة وأخليكي تطلعي معايا، وفعلا جات للمدرسة وحصلت على إذن لي بالخروج معها باعتبار أنها خالتي، وخرجت معاها ورحنا المركز الطبي وهناك قالت لي إن العلاج في الشقة فوق فطلعت معاها لشقة في الدور الرابع، ودخلتني أوضة النوم وطلبت مني أستنى لغاية ما تجيب الدواء".

وأكملت: "بعد دقايق لقيت باب الأوضة اتفتح ودخل عليا شخص كنت أول مرة أشوفه وطلب مني أخلع هدومي، رفضت وصرخت ففتح مطواة كانت معاه وهددني بيها واعتدى عليا جنسيًا غصب عني وما بقتش بنت، بعدها دخلت ولما لقيتني باعيط قالت لي ما تخافيش أنا ممرضة وقبل ما تتجوزي هنعملك عملية ونرجعك بنت تاني".

واستطردت: "خفت أقول لأهلي على اللي حصل، وبعد كدة اتصلت بيا تاني وقالتلي هابعتلك واحدة تاخدك من المدرسة ولما رفضت قالت لي طيب شوفي الفيديو اللي معاها وبراحتك زي ما انتي عايزة، جات واحدة فعلا من طرفها اسمها صفاء وفتحتلي فيديو على تليفونها، لقيتهم مصورني بدون ملابس أثناء الاعتداء علي تحت تهديد السلاح وهددتني إني لو ما خرجتش معاها هينشروا الفيديو بين زميلاتي وعلى الإنترنت.

وأوضحت الطالبة: "خفت من الفضيحة وخفت على والدي يجراله حاجة بسببي وهو مريض بالقلب رحت معاها ووصلتني لمنزل شخص يدعى "م .ع" حكيت له القصة واترجيته وقلتله أبوس رجلك سيبني ولكنه رفض واعتدى عليا جنسيا".

وتابعت: "اتكرر الأمر وجاتلي "رشا" للمدرسة مره تانية وخرجتني ووديتني لـ 3 أشخاص أخدت منهم فلوس وسابتني وقالتلهم هي معاكم لمدة ساعة بعدها وصلوني لها فأخدتني ورجعتني البيت".

وأضافت: جاتلي "رشا" مرة تالتة فرفضت و قلت لها مش هاعمل كده تاني، فهددتني تاني بالفضيحة وقالتلي المره دي وخلاص ووعدتني إنها تكون آخر مرة مشيت معاها ووصلتني لبيت واحد اسمه "م. ا" وهناك لقيت ثلاثة اعتدوا عليا وكانت "رشا" موجودة في أوضة تانية مع صاحب المنزل وبعد كدة خرجت من المنزل وروحنا وكسرت تليفوني علشان ماتكلمنيش تاني".

وأكملت: "بعد كده اتقدملي ابن عمي وحكيت له علي اللي حصل من أولها فجاتلي رشا تاني للبيت وهددتني إنها هتوري خطيبي مقطع الفيديو فحكيتله اللي حصل وقالي هقف جنبك لما عرف إني مظلومة، وبعدها بلغت بكل حاجة وقررت أبلغ عنها".