الميكانيكي لقاء لمصراوي: "مش مصدقة إني قابلت الرئيس"

الأقصر - محمد محروس:

عبرت لقاء الخولي ابنة محافظة الأقصر التي كرمها الرئيس عبد الفتاح السيسي ضمن مجموعة من الشباب خلال مؤتمر الشباب الذي اختتم فعالياته اليوم في مدينة أسوان، عن سعادتها البالغة بلقاء الرئيس قائلةً: "مش مصدقة إني قابلت الرئيس السيسي وشوفته".

أضافت الخولي صاحبت الـ 21 عامًا، في أول تصريح لها عقب تكريم الرئيس: "أنا فعلاً مبسوطة قوي وبشكر ربنا على اللحظة دي.. وشكرًا للرئيس السيسي وكل الناس اللي ساندوني لحد ما وصلت للحظة دي".

أوضحت الخولي: "أنا باشتغل ميكانيكي سيارات من 10 سنين مع والدي اللي وقف جنبي ودي مهنة بحبها قوي وكنت كلي إيمان إن شغلي ده مش عيب ومش حرام وعشان كده ربنا كرمني والنهاردة رئيس الجمهورية بيكرمني بنفسه".

وتابعت: "أنا النهاردة فخورة بنفسي جدًا.. فخورة إني ميكانيكي تكريم الريس بالنسبالي حافز كبير هيخليني أكمل في شغلي وأصر عليه"، مضيفةً: "أنا أبويا الله يرحمه توفي من كام شهر بس كان نفسي يكون معايا النهاردة التكريم ده هو أحق بيه مش أنا".​