"كهرباء مصر" تكشف تفاصيل كود السداد الإلكتروني للفواتير ومتأخرات العداد

كتب- يوسف عفيفي:

كشفت الشركة القابضة لكهرباء مصر، تفاصيل كود السداد الإلكتروني للفواتير والمتأخرات لعداد الكهرباء سواء "ميكانيكي أو ديچيتال".

وقالت الشركة في منشور عبر صفحتها بـ"فيسبوك""هتوفر وقتك وفلوسك، لو عداد الكهرباء عندك "ميكانيكي أو ديچيتال"، يعني من غير كارت عداد ومش عايز فواتير تتراكم عليك يبقى محتاج تعرف ايه هو كود السداد الإلكتروني، وده الكود اللي بيساعدك تدفع الفواتير والمتأخرات شاملة الأقساط الموجودة على حساب العداد.

وتابعت: وكدا هتوفر وقتك ومجهودك وكمان هتعرف تفاصيل فلوسك واستهلاك الكهرباء عندك كل شهر وتقدر تدفع أونلاين من تليفونك أو من أقرب نقطة دفع فواتير كهرباء ليك.

وأضافت الشركة: كمان تقدر تسجل قراءة عدادك بنفسك في ميعاد محدد كل شهر وتكون عارف تقدير الفاتورة هيكون كام، وكدا حتى لو عدادك قديم.. هيكون استهلاكك ودفعك للفواتير في السليم.

وناشدت الشركة القابضة لكهرباء مصر، المواطنين قائلة:"محتاج تفاصيل ومعلومات أكتر؟..اسألنا وهنجاوبك على تفاصيل كل المعلومات.. فقط من خلال الحسابات الرسمية للشركة ‏