ريهام سعيد: "معنديش أصحاب ولا قرايب.. لكن ربنا معايا"

كتب- إسلام لطفي:

أعلنت الإعلامية ريهام سعيد، أن اليوم الجمعة هو عيد ميلادها، واصفة 2023 بـ"أنها أغرب عام مر عليها في حياتها".

وقالت في منشور لها عبر صفحتها الرسمية على "فيسبوك": "بالرغم من أن معنديش أصحاب خالص ولا قرايب قريبين مش حاسة إني لوحدي".

وأضافت: "رغم من أن عدت عليَّ سنين تألق ونجاح أكتر من دلوقتي، إلَّا إني حاسة إني راضية ومرتاحة.. وبالرغم من إني عرفت أد إيه الناس وحشة مبسوطة أن حياتي مفيهاش حد وحش".

وتابع: "بالرغم من أن أقرب الناس اتخلوا عني إلا إني حاسة أن ربنا معايا.. من أجمل الحاجات أن الواحد يقدر يبقى عنده القدرة أنه يبقى مبسوط وهو بيقول لنفسه كل سنة وأنا طيب وأنا فعلًا طيب ومش بيسبب أذى لحد ولا يحقد على حد ولا عايزه حاجة من حد، ربنا جميل قادر يريحك حتى لو أنت لواحدك لأنك في واقع الأمر أنت مش لواحدك.. أنت معاك ربنا، الحمد لله".