"بقينا عشرة".. الإعلامية دعاء عامر تكشف أسباب تجديد تعاقدها مع النهار
تطبيق مصراوي
لرؤيــــه أصدق للأحــــداث
كتب- يوسف عفيفي:
أعلنت الإعلامية دعاء عامر، عن تجديد تعاقدها مع قناة النهار، حيث استعرضت في منشور عبر صفحتها الرسمية على "فيسبوك" 5 نقاط وراء تجديد تعاقدها وذلك على النحو التالي:
١- تعاقدت لأول مرة في قناة النهار سنة ٢٠١٦ واليوم نبدأ السنة الثامنة على التوالي، واللي يعرفني يعرف كويس إني بحب الاستقرار على نفس الشاشة لسنوات طويلة ولا أحب التغيير غير للشديد القوي..لسه الشديد القوي محصلش الحمد لله"، ومكثت في شبكة راديو وتلفزيون العرب عشر سنوات، ومكثت في قناة الحياة 8 سنوات، واليوم أبدأ العام الثامن في قناة النهار.
2- إنجاح البرامج ليس بالشيء السهل الهين، لأن البرنامج زي المبني اللي بتقعد تبني فيه طوبة طوبة مش سهل ابدا انك لما توصل للطابق الثامن تقوم هادد كل هذه الطوابق وجايبه على الأرض.
٣- برنامج اسأل مع دعاء وصلنا فيه لدرجة محترمة من البناء والناس جت سكنت فيه وارتاحوا وقاعدين معانا واتعودوا علينا وحفظونا وخلاص بقينا جزء لا يتجزأ من يومهم ... لا يمكن اسيبهم بعد ما سكنتهم وضايفتهم وعودتهم علي وجودنا معاهم.
٤- قناة النهار قناة قوية عفية بصحتها شاشة كبيرة مهما حصل من تغيرات مناخية ورياح عاتية هي واقفة في مكانها وثابته و مكانها معتدل في وسط باقة مهمة من القنوات الكبيرة هي معاهم دايما وفي وسطهم.
٥- خامسا وأخيرا ليس عملا بمقولة اللي نعرفه أحسن من اللي منعرفوش.. الحمد لله والشكر لله مفيش حد معرفوش مفيش قناة معنديش فيها حبايب.. الحبايب كتير والحمد لله وكلهم ناس محترمين.. ولكن لأن اللي أعرفهم في قناة النهار وبقينا عشرة من أول عمال النظافة وحبايبي اللي بيظبطولي الشاي والقهوة والزنجبيل لزوم الكحة على الهواء، وموظفين الأمن.. مرورا بطاقم القناة من مديرين إدارات لبروديوسرز، لإنتاج، لبروموشن، لإضاءة ، لتصوير، لمذيعين ، لمعدين ، لرؤساء القناة ، لشؤون العاملين والمالية ، لرئيس مجلس الإدارة لأكبر اسم فيها كلهم أصحابي واخواتي وحبايبي ومفيش حد احسن من حد ولا حد له أفضلية علي حد.
فيديو قد يعجبك:
