افتكروا 2014 كويس.. السيسي يرد على المشككين في جدوى ازدواج قناة السويس

كتب- أحمد عبدالمنعم:

رد الرئيس عبد الفتاح السيسي على المشككين في جدوى مشروع توسعة وتطوير قناة السويس.

وقال الرئيس السيسي، خلال تدشين عدد من المشروعات بقناة السويس: بأتكلم علشان حاجتين الأولى إحنا دايما كمصريين ومفكرين ومثقفين وإعلاميين معنيين بمستقبل مصر واستقرارها.

وأضاف الرئيس: افتكروا كويس أوي من سنة 2014 في نفس المكان ده أطلقنا حفل قناة السويس الجديدة وافتتحناها في أغسطس 2015 وحصل نقاش كتير وجدال كتير.. هل المشروع كان مهم نعمله وهل الدولة كانت محتاجة تعمل ازدواج للقناة ولا لأ؟.

وتابع السيسي: وقتها كنا بنتكلم في تقريبا 62 مليار جنيه وحصل فيهم اكتتاب للمصريين ونزلوا في 10 أيام بالكتير كان المبلغ معانا حصل كلام كتير في الوقت ده وبدأ موضوع التشكيك.

وواصل الرئيس: أنا بتكلم علشان اللي بيشكك وعايز يخفض الروح المعنوية للشعب المثال قدامكم وكان تقريبا دخلنا 5 مليارات دولار والنهاردة بعد قناة السويس الجديدة وصلنا لـ 7 مليارات دولار ولسه.

وأكد الرئيس: لو حسبنا الرقم اللي تم دفعه في التوسعة، إحنا أخدنا أكتر منه خلال الـ 5 سنين اللي فاتو، أنا بأقول الكلام دة لينا إحنا علشان محدش يشكك في إجراء وكأن الدولة مابتفكرش ومش بتدرس وبتشتغل بشكل عشوائي ومش عارفة حاجة في الدنيا وهما اللي عارفين.. لأ طبعا.​