"بنعمل مواءمة".. لماذا قررت الحكومة تثبيت سعر السولار؟

القاهرة - مصراوي:

قال الدكتور مصطفى مدبولي، رئيس مجلس الوزراء، إن الدولة المصرية لم تحرك على مدار الفترة السابقة سعر السولار، رغم التحديات الصعبة وزيادة أسعار النفط عالمياً.

وأضاف مدبولي في مؤتمر صحفي اليوم الأربعاء، أن "الدولة لم ترفع سعر السولار، لإنه بيسمع في حاجات كتير جدا، كنا بنعمل موائمة، بنحاول منحملش أعباء، كل ده على الدولة فقط، بنحاول نمرر أقل عبء على المواطن".

وتابع: "بقول ده عشان توثيق للواقع والعبء على الدولة والمواطن، احنا مش بنقارن نفسنا بالخارج، الغالبية العظمى مررت الزيادات بالكامل لمواطنيها، إحنا مراعاة للظروف بتاعتنا وعشان عارفين البعد الاجتماعي واللي المواطن بيتحمله، فإحنا نتحمل العبء الأكبر".

وأوضح مدبولي أن "الدولة المصرية هتعمل أقصى جهدها عشان تتعامل مع الأزمة اللي مشوفنهاش من 100 سنة، معندناش أزمة في أي سلعة، دورنا نستشرف الظروف الصعبة، والعالم مش عارف رايحين على فين، يبقى نحاول نرشد الاستهلاك، عشان العبء الدولاري، وده اللي الدولة بتطلبه فقط من المواطن".

وأكمل": "الدولة هتفضل تخطط ويبقى الاحتياطي مؤمن، وهنشتغل إن الاحتياطي مينزلش، بنتكلم إزاي آمن واشتري عشان أحافظ على الاحتياطي، ضروري نفكر سوا الأزمة عاملة إزاي، محدش عارف بكرة فيه إيه، عشان كلنا نعبر هذه الأزمة، محدش عارف هتستمر أد إيه".​