"أنت ماشي غلط".. ماذا قال السيسي لمسؤول مستشفى خيري عبر الهاتف؟

كتب - محمد عمارة:
كشف الرئيس عبدالفتاح السيسي، عن تفاصيل نصيحته لمسؤول مستشفى بجمعية أهلية بضرورة وجود "ريع ثابت" للصرف على المستشفى بشكل مستمر.

وقال الرئيس السيسي، خلال كلمته في افتتاح مشروعات جديدة في مجمع الصناعات الكيماوية، اليوم الاثنين: "من غير ما أجيب أسماء، كان في مستشفى جمعية أهلية عاملاها وبتتفتح من سنتين وسألت المسؤول عنها بالتليفون قولتله عندك ريع ثابت مش مرتبط بتبرعات الناس للصرف على المستشفى بشكل ثابت؟ قالي لأ، قولتله اللي أنت ماشي فيه غلط، قالي إزاي، قولتله أنت مبتعملش مسار منتظم على فرضية غير منتظمة".

وأضاف: "الفرضية غير المنتظمة هي تبرعات الناس ممكن تزيد او تقل، لكن لو قولت المستشفى تتكلف في السنة 20 مليون جنيه هل فيه رقم في البنك يجيب المبلغ ده هيبقى فيه مشكلة، أو تاخد جزء من الناس قالي مقدرش أخد من الناس، بكلمه من فترة أقوله أخبارك إيه قالي الظروف مبقتش.. التبرعات مقلتش لكن حجم الطلب زاد ومقدرش أقول لحد مش هاخدك".