السيسي يعلق على امتلاك أول قمر اتصالات مصري

كتب- محمد نصار:

علق الرئيس عبد الفتاح السيسي على امتلاك مصر ولأول مرة قمر اتصالات خاص بها وهو طيبة 1.

وقال السيسي: خلال افتتاح مركز التحكم المركزي بالشبكة الوطنية للطوارئ والسلامة العامة، اليوم الاثنين: كان أول مرة يكون لمصر قمر اتصالات خاص بيها وده مكانش موجود قبل كده.

وأضاف الرئيس: لما بنتكلم على تأمين بيانات واتصال بنتكلم على حاجات فنية مش بس معقدة وحجم التأمين اللي فيها قد يصل لنسب عالية جدا مش عايز أقول 100% علشان أكون دقيق، والهدف أن الاتصالات والبيانات المتداولة على هذه المنظومة يصعب إن مكنش مستحيل التدخل فيها أو إعاقتها أو قطعها.

وتابع: مهم أقول إن الشغل هنا فيه شغل تجاري ممكن يحقق موارد كويسة لتقديم الخدمات دي للقطاعات المدنية والمستثمرين والقطاع الخاص اللي يهمه ياخد خدمة بهذا المستوى وهذه الجودة.

واستطرد الرئيس: كنا بنقول الميكنة والحكومة الذكية واتكلمنا من حوالي 3 سنوات على إننا في المدن الجديدة بنعمل المحافظة الجديدة ودي هتبقى مميكنة متصلة بالحكومة في العاصمة وأرجو وإحنا شغالين ننتبه علشان منعملش ازدواج في مراكز التحكم.