السيسي عن السكن البديل: الدولة طبطبت عليك ولا لأ؟

كتب- محمد نصار:

قال الرئيس عبدالفتاح السيسي، إن الدولة تراعي محدودي الدخل وسكان المناطق العشوائية في مختلف المناطق.

وأضاف السيسي، خلال افتتاح مشروع الأسمرات 3، اليوم الأحد، مقاطعا وزير الإسكان: اسمحلي أقف عند رقم 1000 وحدة بـ600 مليون جنيه يعني الوحدة تكلفتها 600 ألف جنيه للمواطن، علشان كان عايش في منطقة خطرة سواء الدولة خدت بالها منه أو لا على مدى السنين اللي فاتت، بقول 600 ألف جنيه لما يتحطوا في البنك يجيبوا 9 آلاف جنيه في الشهر.

وتابع الرئيس: مصر وقفت جنبك وطبطبت عليك ولا لأ، بقول كده مش منة مننا، محدش بيجيب حاجة من جيبه، لكن دي بلدنا عملت ده مع أهلها، طيب الميسور اللي مخدش خلاص الحمد لله إن أنت مش محتاج لكن الباقي ده نسيبه كده زي ما كان موجود؟.

وأكد الرئيس: لما تتكلم في 250 ألف شقة بتقدمهم للناس أنت بتاخد حق الصيانة علشان نحافظ على الحالة الفنية، إحنا مبناخدش مقابل منك، لو ناخد مقابل يبقى الشقة دي إيجارها 5 أو 6 آلاف جنيه في الشهر.