السيسي عن بحيرة المنزلة: "محدش بيغير المنكر ويرفضه"

كتب- يوسف عفيفي:

قال الرئيس عبدالفتاح السيسي، إن بحيرة المنزلة، قائمة على مساحة 250 ألف فدان، وكانت في الماضي أكبر من ذلك، لكن التعدي عليها وسوء الاستخدام أدى إلى إهدارها بجانب إهدار ثروات بلدنا وضياع صحة الناس، مضيفا: "واللي بيطلع منها الناس بتاكله هل كان صحي ولا مضر مش مهم".

وأوضح السيسي، خلال افتتاح عدد من المشروعات القومية بدمياط: "هناك غياب تام عن ما يتم في بحيرات مصر، وأي حد عايز يعمل حاجة بيعملها، بس الدولة لا يمكن تغيب عن مصالح مواطنيها".

وأضاف: "انتوا لسه مشفتوش البحيرة لما تخلص هتبقى قصة تانية، بس الناس بتتناول المسائل بشكل مش عارفين الحكاية، إيه اللي بيتعمل في الدولة، والله والله اللي بيتعمل في مصر ما يخطرش على بال حد، وده قسم عظيم أوي، والناس مش عايزة تغير وقاعدة تتفرج وتبص وهي ساكتة، محدش بيغير المنكر، حد يقولي انت بتقول كده ليه؟ بقول كده عشان أسجل لكم انتوا بتعملوا في بلدكم إيه".

ودعا السيسي، رئيس دولة الوزراء الدكتور مصطفى مدبولي، إلى وضع التسهيلات اللازمة للراغبين بالدخول في الاستثمار لتوفير العدد المناسب لتطوير مصر، وبالتالي هذا الكلام يطبق على مدينة الأساس في دمياط.

جاء ذلك عقب مشاهدة الرئيس السيسي فيلما تسجيليا عن جهود الدولة في مشروع بحيرة المنزلة خلال افتتاحه عددا من المشروعات التنموية في دمياط، حيث افتتح عدة مشروعات تنموية في نطاق محافظة دمياط، منها مدينة دمياط للأثاث، ومحطة متعددة الأغراض بميناء دمياط.