"هتوحشوني".. سالي عبدالسلام تستقيل من الراديو"9090"

كتب- مصطفى علي:

أعلنت المذيعة سالي عبدالسلام، استقالتها من الراديو 9090، بعد العمل ضمن الطاقم الإذاعي للراديو لمدة 5 سنوات.

وقالت سالي، في بيان نشرته عبر صفحتها الشخصية بموقع "فيسبوك" الجمعة: "مساء الفل والورد والياسمين على مستمعين الراديو ٩٠٩٠ صليت استخارة كتير.. أنا استقلت من الراديو عن اقتناع والخيرة فيما اختاره الله.. كان نفسى أودعكم على الهوا بس محصلش نصيب الحمدلله".

وأضافت: "٥ سنين حلوين فى الراديو ٩٠٩٠ مكان أضاف لينا وأضفنا ليه.. هرجع وأقول الحمدلله على نعمة الاختيار وإن الواحد ميكونش مجبر على حاجة مش مرتاح فيها، ولا عليه التزامات أو أقساط أو شايل مسؤولية حد، الحمد لله إن الواحد راضى واللى مجبر على حاجة ومش مبسوط ربنا يسهله حاله ويعفو عنه وما يجبرنا على حاجة".

وواصلت: "هتوحشونى جدا.. بأمنكم ادعولى فى الخطوة الجاية وانتوا الرزق الوحيد اللى مصبر الواحد على حاجات كتير".