السيسي: "كل حاجة بتتحسب.. مش هنخلي مصري يُعاني"

كتب – محمود مصطفى:
دعا الرئيس عبدالفتاح السيسي، الجمعيات الأهلية للمشاركة مع وزارة الصحة في تطوير المستشفيات الحكومية.

وقال السيسي، خلال افتتاحه المستشفى العسكري بشبين الكوم بمحافظة المنوفية، صباح الأربعاء: "فيه 600 مليون جنيه للقضاء على قوائم الانتظار، وميزانية محددة لعلاج مرضى فيروس سي.. كل حاجة بتتحسب، مش هنخلي في مصري يعاني من حاجة، وهنضع التمويل اللازم لذلك".

وطالب الرئيس، الجمعيات الأهلية بالمشاركة في تطوير وإدارة المستشفيات الحكومية: "لو في أكتر من جمعية أهلية مستعدين نضع 20 و30 و100 مستشفى، كفائتها 100%، وتكلفة التشغيل اللي كانت مقررة هتتحط، لو كانت المستشفى بتحط لها 10 مليون علشان نقدم الخدمة، الفلوس دي هنقدمها للخدمة، مع إدارة الموضوع للجمعيات اللي هتدخل".

وتابع السيسي: "كنت متصور هنقدر نعمل المشاركة مع أكتر من جمعيات أهلية".

وأوضحت وزيرة الصحة هالة زايد، أن الحكومة اتفقت مع جمعية الأورمان على حصول الجمعية على مستشفى "العديسات" بمحافظة الأقصر، لإدارته وتشغيله.