السيسي: "هاجموني لما طالبت بتوثيق الطلاق.. بس أنا مش زعلان"

كتبت- مروة شوقي:

قال الرئيس عبدالفتاح السيسي، إن بناء الإنسان تحدي للإنسانية جمعاء، وهو تحدي تصدى له الله سبحانه وتعالى والأنبياء، مطالبًا بالوقوف أمام أنفسنا بمنتهى الصراحة والموضوعية.

كما طالب "السيسي"، خلال كلمته بجلسة "استراتيجية بناء الإنسان المصري"، اليوم السبت، ضمن فعاليات المؤتمر الوطني السادس للشباب بجامعة القاهرة، بإعادة صياغة الشخصية المصرية بشكل قوي وفعال، لتتطور بما يليق بمتطلبات العصر والإنسانية.

ووجه الرئيس سؤالًا للمصريين قائلًا: "إنتوا مصدقين إن فيه حالة استهداف حقيقية لينا ولا لأ؟"، مضيفًا: "خلال السنين اللي فاتت تم استهداف الإنسان المصري بكل ما تعنيه هذه الكلمة من معنى وبالتالي أصبحنا في وضع صعب جدًا.. إحنا مستعدين ندفع فاتورة إصلاح ده ولا لأ؟".

وتابع: "هتكلم على التعليم، إنتوا عايزين تعليم حقيقي، ولا عايزين ولادكم يبقى معاهم شهادات، التعليم الحقيقي رحلة طويلة وقاسية وفيها معاناة، عايزين تغيروا بلادكم آه.. طب مستعدين تدفعوا التمن ده؟".

وأردف: "طب الخطاب الديني؟.. خايفين لنضيع الدين؟.. هو اللي إحنا فيه ده فيه أكتر منه ضياع للدين".

وذكر السيسي، أن المجتمع به الكثير من القضايا الخطيرة، منها وصول نسب الطلاق إلى 44%، وهذا يعني أن 100 حالة زواج يحدث فيها تقريبًا 50% طلاق"، قائلًا: "إذا كان في 9 مليون طفل دون أب وأم بشكل مباشر، يوجد 15 مليون طفل بدون أب وأم بشكل غير مباشر، عن طريق انفصال خفي دون طلاق".

واستطرد الرئيس: "هاجموني لما طالبت بتوثيق الطلاق، أنا مش زعلان، لكن محدش قال إن التشريع على الأقل مع التطور اللي حصل في المجتمع على مدار ما يزيد عن 1000 عام، ميحقش ليا إن أحمي المجتمع، وهل ده مجتمع في استواء ولا إحنا رايحين للعدمية".

ووجه الرئيس السيسي رسالة قائلًا: "بقول الكلام ده لكل رجل دين والبرلمان وكل الشعب، عملية بناء الإنسان المصري عملية مجتمعية وليست عملية حكومية".