السيسي: "بحب كل الناس.. حتى الأعداء"

كتبت- عايدة رضوان:

قال الرئيس عبد الفتاح السيسي، إنه يدرك أهمية صون الحقوق والواجبات، مضيفًا: "إذا كنت أنا إنسان بحترم نفسي وبحتركم يبقى أنا ماينفعش أقبل يكون فيه إساءة لحد، أنا بس خايف في الآخر على البلد، وكلنا لازم نخاف عليها".

وتابع الرئيس السيسي، في الكلمة التي ألقاها خلال افتتاح فعاليات المؤتمر الوطني الخامس للشباب، اليوم الأربعاء: "مهم وإحنا بنعترض أو نحتج إننا نخلي دايمًا البلد قدام عينينا، لأن إحنا قدام مننا دول تانية يمكن كانت أهدافها ونواياها نبيلة لكن النتائج زي ما إنتوا شفتوا".

وأردف الرئيس السيسي: "إنتوا ولتوني المسؤولية في الحفاظ على البلد وأنا خايف عليها، وقد يكون ده مبرر"، متابعًا: "خايف إن الإجراء الاحتجاجي الواسع اللي بيقوموا بيه في الأخر هيروحوا البيت مايعرفوش نتائج ده على الدولة واستقرارها".

وواصل: "مافيش حد بطبيعية الحال يتعامل مع أهله وناسه بإساءة، ده شخصية بقى صعبة قوي، وأنا أتصور إن إنتوا عارفيني كويس، أنا بحب كل الناس حتى الأعداء".