السيسي يطالب بتدريس برامج بالكليات العسكرية عن كيفية هدم الدول

كتب- محمود مصطفى:

طالب الرئيس عبدالفتاح السيسي، بتدريس برامج وأمثلة عملية بالكليات العسكرية، توضح كيفية هدم الدول.

وقال السيسي، خلال لقائه بطلاب الكلية الحربية، صباح الأحد، " دي فترة اختبار، ربنا يوفقكم، مش عاوز أنسى، قولنا قبل كده الكليات العسكرية تدرس كويس أوي برامج وأمثلة عملية على كيفية هدم الدول، وإزاي النهاردة يبقى فيه علم كبير أوي يستخدم فيه أدوات وآليات عمل، تستخدم لتدمير الدول".

وتابع رئيس الجمهورية: "نحتاج مسئولين عارفين أشكال الصراع والحروب المختلفة، وفي أمثلة عملية لكل إجراء وأسلوب وآلية تستخدم لتدمير الدول".

وأضاف السيسي "إحنا كمسئولين عن الأمن القومي محتاجين نبقى عارفين ده كويس، وأما نكون شايفين إنه ممكن يتنفذ علينا، محتاجين نفهمه كويس".