رئيس هيئة السكة الحديد المستقيل: مستعد للمحاسبة

كتب- محمد عمارة:

قال اللواء مدحت شوشة، رئيس هيئة السكة الحديد السابق، إنه مستعد للمسائلة والمحاسبة بعد تقدمه باعتذار عن منصبه منذ يومين، واستقالته صباح الخميس الماضي، قبل حادث تصادم قطاري الإسكندرية صباح الجمعة.

وأضاف شوشة لمصراوي، الثلاثاء: "قدمت استقالتي وكنت شايف إني عايز ارتاح وكفاية اللي قدمته، والمسائلة سواء في المنصب أو خارجه واحدة، ولو كان المنصب بيحميني، فأنا دلوقتي مستعد للمحاسبة".

وردًا على تحمله جزءًا من حادث تصادر قطاري الإسكندرية قال شوشة: "لو عايز تحملني مشكلة 60 سنة، فأنا تحت أمرك، دا ورث، وقدر الحكومة الحالية إنها بتشيل كل حاجة، بنشيل مساوئ اللي فات كله".

وكان قد وقع حادث تصادم قطاري الإسكندرية صباح الجمعة الماضي في منطقة خورشيد، ما أسفر عن وفاة 42 شخصا وجرح العشرات.